Aye Mere Watan Ke Logon Lyrics


Aye mere vatan ke logon
zara aankh mein bhar lo paani
jo shaheed hue hain unki
zara yaad karo qurbaani

jab ghayal hua himaalay
khatre mein padi aazadi
jab tak thi saans lade vo
phir apni laash bichha di
sangeen pe dhar kar maatha
so gaye amar balidaani
jo shaheed hue hain unki
zara yaad karo qurbaani

jab desh mein thi diwali
vo khel rahe the holi
jab ham baithe the gharon mein
vo jhel rahe the goli
the dhanya javaan vo aapane
thi dhanya vo unaki javaani
jo shaheed hue hain unki
zara yaad karo qurbaani

koi sikh koi jaat maraatha
koi gurakha koi madaraasi
sarahad pe maranevaala
har veer tha bhaaratavaasi
jo khoon gira parvat par
vo khoon tha hindustaani
jo shaheed hue hain unki
zara yaad karo qurbaani

thi khoon se lath-path kaaya
phir bhi bandook uthaake
das-das ko ek ne maara
phir gir gaye hosh ganva ke
jab ant-samay aaya to
kah gaye ke ab marate hain
khush rahana desh ke pyaaron
ab ham to safar karate hain
kya log the vo deewane
kya log the vo abhimaani
jo shaheed hue hain unki
zara yaad karo qurbaani

tum bhool na jaao unko
is liye kahi ye kahaani
jo shaheed hue hain unki
zara yaad karo qurbaani
jay hind jay hind ki sena -2

jay hind, jay hind, jay hind

0 comments:

Post a Comment

 
Top